Dicto signor Bortolo ha alozato el campo, videlicet le fantarie, sotto le mura, driedo una collina, et li cavalli a la valle, per il qual esso provedador ha provisto di vituarie assai, che erano affamati, e con quelli aspri temporali passati. Et a mezo zorno vene, dal canto di le galie, il provedador zeneral, mal conditionato dil suo mal, ch'è gran compassione, di gote, e non potè venir in terra, e stato uno pezo, vene a la terra. Et scrive esser lui provedador Contarini, stato con sier Marco Loredan, capitanio di le [507] galie grosse, sier Francesco Contarini, sier Vicenzo da Riva, sopracomiti, fino al tardi, e vene a trovar lì il provedador zeneral, che era im pizuol in lecto, et messeno boni ordeni. Item, diman torneria a far dischargar il resto di le artilarie. Da novo, come per alcuni, fugiti di Trieste, venuti in galia, ha inteso quelli dentro esser in grandissima divisiom, et 3 over 4 capi, tengono li altri a far diffesa, ma come sentirano l'artilarie, crede non starano constanti. Hozi ussirono di la terra cercha X todeschi per asaltar certi nostri; fono discoperti da' stratioti, et toltoli la strada, tre fono presi et apichati con le mano ad albori. Item, tuta la dificultà è in tirar suso l'artilarie miglia 3 da la terra, non si à potuto haver li guastadori al bisogno, perchè non ne sono, et con li galioti si suplirà.
     
      Letera dil dito, in galia, in colfo di Muglia, a dì 3 mazo, hore ..., ricevuta a dì 4, a hore 23. Come in quella matina per tempo, levato li guastatori di Muja e fato provision per il campo, si levò di la terra, et con le altre galie, lassata la Riva, su la qual era il provedador zeneral, vene dal canto di qui e atese a far discargar el resto di le artillarie, qualle tutte aviono, e le più grosse erano zonte in campo soto la terra, e ha mandato drieto le balote e polvere, con altri istrumenti bellici, mediante la forza di galioti.