Et questo per parte sua. Deinde rechiese questo instesso per missier Zorzi Moisevich per el castello di Cosiacho, che hè a li confini de Fianona, et questa cosa mi lassa in scrito, la qual lhoro haveva, di bocha di esso domino Zuane, scrita in schiavo. Subgionse a bocha, che havendo la illustrissima Signoria i luogi superiori de qui, quali sono Postoina, Pren e certi altri castelli, se offeriva far haver il conta' de Pixin senza spesa di campo. A li quali, da poi le parole zeneral, risposi scriveria a vostra magnificencia et intenderia el suo voler. Et subgiunse, che confortava sua magnificencia non voler meter tempo di mezo, al che instono haver presto risposta, et che non fusseno dannizati da la zente nostra; concludendo, che i serano boni subditi de la illustrissima Signoria. Et a quello puti' comprender, seguendo vostra [516] magnificentia l'impresa, tegno de praesenti se dariano con ditti pati. I qual sono in conclusion: che 'l ditto se vuol star subdito con li modi è soto el re, et rimagnir di la dita sua forteza domino, et ita missier Zorzi, quali tegno sariano boni subditi. Primo de facili toriano dona venitiana nobile, come già fo im praticha l'altro missier Zorzi, che non à fioli, e suo' nepoti sono di luogi de la nostra illustrissima Signoria. Questo luogo de Ipoglavo è una forteza, la qual, a judizio mio et anche di altri, è de sito molto forte e de le più forte sono in queste parte; et anche Cossiach è reputà forte. Venendo i qual luogi in devuzion, è da sperar subito venirla etiam altri luogi del conta' de Pexin fra mezo questi do, per i qualli seria impedito la via per venir per Monte Mazor in questa provincia, ita che alcuno non poria intrar, salvo per el tegnir de la illustrissima Signoria, et potriase reputar el conta' de Pexin asediato.