Letera dil dito, a presso la terra di Fiume, in galia, a dì 27, hore 18, ricevuta a dì 29. A-visa, in quella horra, l'aquisto di Fiume. E il modo fo, che a dì 24, lassate lui tute le galie sopra Porto Colona, con hordine a sier Marco Loredan, capetanio di le bastarde, che, durando el syrocho, dovesse far forzo di remurchiar i arsili, e vadino a la Fasana a levar le artillarie, e subito vegnino a Castel Muschio, dove lui provedador a forza di remi si transferiva, per adunar le zente de le insule del Quarner, e venuto il dì sequente a Puola, e contra vento, galia sola, si tirò a le Polmontore, e data la vella, [522] vene a Chersso, dove fece far la descrition di 200 homeni in cercha, fati venir a Castel Muschio, dove lui provedador etiam andò, dove era venuto sier Marco Cabriel, provedador di Veja, con zercha persone 700 di dita insula, ita che, omnibus collectìs, sariano stati ixolani 1500: e posto ordine al pan e tutto. Trovò etiam le do galie Marzella e Mudaza, qual mandò verso le Polmontore a incontrar le altre galie, per remurchiar i arsili, acciò venisseno più presto. Et cussì, solla galia, questa matina deliberò presentarsi lì. Et arivato uno mio largo, mandò el suo secretario Otobon, con la fusta, a intender l'animo di quel capetanio e citadini di Fiume, e saper si se voleano render. Qual acostatossi, chiamato el parlamento con el trombeta, li fono mandati do citadini, el contestabele e altri soldati todeschi, e propostoli per il secretario, disseno refereriano al suo capetanio et consiglio et ritorneriano.