Carsan, terra da per sé.
      Cosliacho, terra da per sé.
      Lupoglano, castello da per sé.
      Bersech, castello da per sé.
     
      Item.
     
      Oblach, castello da per sé.
      Lupogobo, castello.
      Bresei, castello.
      Fiume et il suo conta'.
     
     
      (Copia).
     
      † In Christi nomine 1507, in Damascho. Et scrive sier Zuan Moresini, de sier Ambrosio (?), de qui a suo padre
     
      Magnifice et clarissime domine.
      Si da questi mercadanti non vien scripto copiosamente de le cosse del signor Sophì, non è da haver admiration, perché attendeno a le cosse sue particular, et pensano non pertenir a loro li successi ne la clade di quello. Mi veramente, alieno de mercadantie et studioso di tal practiche, et più diligentemente inquirisso, et più copiosamente ne scrivo, praesertim a vostra magnificentia, desiderosa forsi di tal nove, per haver di tal gente et paesi compida intelligentia.
      Sophì adunque, da poi molte victorie, havendo pacifico dominio in tutta la Persia, mandò ambassador ad Haliduli, et dimandoli una sua fiola per [527] dona. Et perchè vedo, Sophì lo facesse ad fine che, volendo passar sì ne la Soria come ne la Caramania, non havesse obstaculo da Haliduli, anzi favor, per esser esso paese de Haliduli sul passo sì de la Turchia, come del paese del signor soldan, dicto Haliduli non solum li negò la fiola, ma el vilanzò de brutte parole Sophì, et licentiò el suo ambassador. Et non li bastò questo, che 'l mandò zente drietto al dicto ambassador, passava in Persia, et fecelo tagliar ad pezi. Subito inteso questo, Sophì cum grande et potentissimo exercito passò l'Euphrate, et secondo el rito de' persi, fece chiamar subito Haliduli a la campagna, per esser lui fuzito ad li suo' monti inexpugnabeli; et questo fu sto septembrio passato.