Poi vedo el signor soldan temer molto, far hoste et mandar campo fuora del Cairo, per lo exemplo de Tomombeì et Cassaron al tempo del Zambalat, maxime havendo facto morir el diodar grande, per il che sono stà grande mormoration tra comas al Cairo, in modo che sto soldan più non se fida de' comas et dà signoria a' suo' zilebì, cossa che mette non picola discension fra le parte in sti disturbi. Teme el soldan innovar cossa alcuna, praesertim mandar, ut supra, campo fora. Nè val, che a questi zorni Sophì habi mandato ambassador al Cairo ad dimandar Adena et Terso, terre et luogi pertinenti al regno de Persia, et addimandar refaction de li damni et spesa havuti per Halidulj, suo vassallo; et che, se in tanto termine non li responde ad questo el dimanda, el ge denuncia guerra; et che Sophì li venirà ad tuor Allepo et Damascho et tutta la Soria, et venirà a stampar moneda al Cairo. Non val etiam, che l'ambassador del turco, andò cum Curciali in Alexandria et al Cairo, habi persuaso el soldan far hoste con questo, come inimico, che per li respecti antedicti non fa alcuno campo, nè moto; hinc est, che vedo sto paese in mal termenj, et exposto ad ogni primo impeto et venimento de Sophì. Il che se mai l'ha spinto, hora, totis viribus, per la consequida victoria cum Haliduli, se sforzarà prosequir la impresa, maxime non havendo alcun obstaculo da alcuna parte. El signor turco non desideraria altro cha che 'l tolesse sta volta; tamen el non dorme, et zà sta estade passata mandò contra, a li confini de Adeno et Terso, 35 milia persone in un subito, et mandete cum ogni celerità, più presto per dimostrar esser a l'erta cha per far resistentia; imo comandò al bassà, che non venisse mai ad congresso, ma che sempre se tirasse adrietto verso la Natolia, una over do zornate distante dal campo de Sophì, azò el turco in logo propinquo potesse far grande exercito più habilmente, et resister a Sophì, come de ziò son stà informato da uno christian de zente, franzoso, a' dicti confini, scampò di servitù, et era stà schiavo anni 12 de uno famoso janizaro de quel campo; qual, venuto qui, fu facto andar a Baruto et è libero.