Et etiam el signor turco ben el cognosce et teme, come mi par comprehender da tre fondamenti: prima, che l'anno passato el fece, subito che 'l intese la venuta de Sophì, campo de 35 milia persone et mandole a li confini del suo paese, cum hordine perhò de non venir mai a le man, ma che mostrasseno fuzir verso Constantinopoli, azò el Sophì li venisse drietto, come è dicto ne la copia presente, azò che lì de propinquo el potesse unir tutte le sue forze et far resistentia. Poi che 'l ha mandato ambassatori al soldan, a solicitarlo che 'l sia insieme unitto cum lui contra el Sophì, che se 'l fosse uno picol signor, non seria de dignità di tanto imperador turco chiamar altri principi et potenti in soccorso et liga. Et dicessi, che 'l signor soldan si excusò non haver bombardieri, nè maistri de artellarie, e che per li suo' danari ge ne mandasse; et che 'l turco subito li mandò per Camalì in Alexandria armi et maistri da far passavolanti et artellarie. Et per terza rason, che 'l habi timor del Sophì, e che l'ha mandado messo a posta a dir busie, che 'l havia rotto Sophì, o ver che da paura de lui l'era tornato adrietto;et questo forsi pol haver facto, per far che venetiani non habi animo del Sophì, che guerriza contra de lui da una banda, da l'altra banda cum armada cercar de darli impazo et comphederarsi cum el Sophì; sì che concludo, quomodocumque el sia, che la potentia sua sia grandissima et da tutti temuda.
      A dì cinque marzo.
      Dil mexe di zugno 1508.
     
     
     
      [1508 06 01]A dì primo, fo il zorno di la Sensa.