El principe andò, con li oratori et la Signoria, et altri invitati al pranso, de more, nel bucintoro fuora di do [536] castelli a sposar e benedir il mar. Fonno oratori, Franza, Spagna, Milam et Ferara, et uno episcopo de Scocia, va im peregrinazo in Jerusalem. Fece l'oficio dil patriarcha uno episcopo, per non esser ancora venute le bolle dil novo patriarcha electo. Portò la spada sier Domenego Contarini, era cao di X, et electo capetanio a Verona; fo suo compagno sier Francesco da cha' da Pexaro, quondam sier Hironimo. Introno, consieri nuovi: sier Marco Bolani, sier Francesco Trum, et sier Zacaria Dolfim; cai di 40: sier Lorenzo Foscarini, sier Sebastiam Balbi et sier Alvise Contarini; cai di X: sier Domenego Contarini, et do nuovi, sier Piero Querini et sier Marin Zorzi, dotor. Fo zudexe di propio, sier Marco da Molim. E fo queste letere:
     
      Di Riva, di sier Zacaria Contarini, el cavalier. Come Otavian era ritornato di Archo con presenti mandati, di trute e zotroni, a quelli deputati per tenirli ben edifichati. El qual riporta, che domino Paulo Letistener è a Bolzan, e tien certa dieta; il re è versso la Fiandra. Al Calian non è 3000 fanti alemani, il resto, fin numero X milia, homeni paesani, qualli hanno le arme. Item, la raina è a Costanza etc.
     
      Di sier Hironimo Contarini, provedador di l'armada, date in galia, a presso Fiume. Aver auto 4 lochi, ut in litteris, qualli si hanno dati a la Signoria nostra.
     
      Di Trieste, di sier Zorzi Corner, el cavalier, provedador zeneral. Come havia aviato, prima certi cavali lizieri, poi altre zente, a la volta di Postomia; e il governador zeneral vi va et lui provedador.