Et in questo è incluso il ducha di Geler, ch'è pensionario dil re suo. Et fo per colegio eri matina scrito in campo, concludi; et ne piace questa via. Et cussì ozi, hessendo stà letere di provedadori di campo, di Val di Mori, che missier Zuan Jacomo havia [542] ditto volersi partir immediate concluso le trieve, et, per non dar cargo al mantoam, voria ritornar per il nostro, li fo risposto, che semo ben contenti; et scrito a sier Andrea Griti, provedador, concluso le trieve, lo vadi ad acompagnar fino a li confini, facendoli ogni demostration di gratitudine; et scrito a li rectori, provedi a le zente etc.
     
      Da poi disnar fo consejo di X con zonta. Et fo butato il colegio di sier Texeo Bolani. Tocha sier Zacaria Dolfim, consier, sier Domenego Contarini, cao di X, sier Daniel di Renier, avogador, et sier Francesco Foscari, el cavalier, inquisitor; e la matina sequente lo colegiono.
     
      Et vene, a horre 20, letere di Riva, portate per Otavian di Calepio, di sier Zacaria Contarini, el cavalier, date a Riva, a dì 6, horre 24. Come, al nome di Dio, in quella horra era stà conclusa la trieva, e sottoscrita li capitoli, per anni tre; et il prescidente non havia voluto ritrovarsi, sì come più diffuse per una altra scriverà, et a bocha la Signoria intenderà per Otaviam; et la matina sequente, ch'è ozi, saria publicata in campo. La qual conclusiom fo molto acepta a tutta la terra, con gran honor dil prefato sier Zacaria Contarini. Et nota, a hore 17 si reduseno li 4 deputati cesarei, et il Contarini sopranominato, lì a Santa Maria di Gracia; e steteno horre 7 a concluder, tandem la concluse.