Fu posto, per li savij, dar licentia a sier Zacaria Contarini, el cavalier, vengi a ripatriar; et cussì ave tutto il consejo.
     
      Fu posto, ut supra, dar licentia a sier Zuan Diedo, provedador a Roverè, sier Daniel Dandolo, provedador in feltrina, sier Donado da Leze, provedador a Cividal; et che sier Vicenzo Valier, è a Bassam e provedador in vicentina, vadi a compir il suo capitaneato di Vicenza. Fu presa: 0, 0, 172.
     
      Fu posto, per tutti i savij, che sier Hironimo Contarini, provedador di l'armada, vengi a Fiume, et zonto il sia poi sier Hironimo Contarini, l'altro provedador, vadi in colfo e a Corfù, et esso provedador vechio aspeti hordine di la Signoria nostra. Fu presa.
     
      Fu posto, donar ducati 250 (ad) alcune ville soto Roverè, ut in parte, qualle hanno patito danno. Et fu presa.
     
      Fu posto, d'acordo per i savij, scriver in Franza, a l'orator nostro, zercha queste trieve, e dir le raxon è stà a concluder, et dolendossi di muodi e parole dil prescidente; et che volemo esser in quella observantia eramo con la christianissima majestà etc., ut in litteris, longa e ben ditata; e concludi la liga, et casu quo il re non volesse, debbi rescriver etc. [545] E questo fo, perchè sier Pollo Pixani, el cavalier, consier, parlò, e voleva certa so opinion. Non parse al consejo e si tolse zoso e intrò con li savij, azonto certe parole. Et fu presa.
     
      Di Trieste, di sier Francesco Capelo, el cavalier, provedador. Zercha quelle ocorentie ...
     
      Fo fato il scurtinio di tre, sopra le diferentie dil bancho di Agustini, juxta la parte alias presa: sier Gasparo Malipiero, fo di pregadi, quondam sier Michiel, sier Piero Contarini, fo provedador sopra le camere, quondam sier Zuan Ruzier, sier Vetor Foscarini, è di la zonta, quondam sier Alvixe, dotor et procurator.