Vanno in Franza, dicono starano do mexi; et è stà acompagnati fino a Hostia dal cardinal San Severin, Frachasso e altri. I qual cardinali francesi hanno dito a' Medici, che stagino di bona voja, che presto si muterà governo in Fiorenza etc.
     
      Di Milan, dil secretario, di 13. Come fo dal gran maistro e li disse la conclusion di le trieve. Qual si alterò assai, dicendo la Signoria non doveva mai concluder senza voluntà dil re. Item, visitò il prescidente, qual usò più humane parole, pur dolendossi.
     
      Di sier Andrea Griti, provedador zeneral, 4 letere, di 11, di San Vilio. Come quasi che non fo morto da' spagnoli, quali tolseno quel'alozamento per forza, e volse meterlo a sacho. Et lui soravene, perchè zà li balestrieri dil capitanio, era per sua scorta, erano apizati; et spagnoli li vene a l'incontro con balestre carge. Or lui andò humanamente et scapolò con gran faticha la vita. Mandò per missier Zuan Jacomo Triulzi, qual vene lì. Et doy, erano stà causa, di ditti spagnoli, examinati, uno di lhoro terminò fusse apichato lì per mezo l'abacia di San Vilio, e li 4 capetanij yspani volseno ad ogni modo; e cussì fo fato. Item, l'altra lettera di sier Trojan Bolani, provedador a Lonà, lo lauda etc. Item, di l'intrar in Brexa. Lui alozò con suo cugnato, il podestà, sier Zuan Paulo Gradenigo, et il campo passò atorno Brexa et andò a Calzinà, poi a Ponte Oio. Et cussì l'ultima letera è di 14, da la Corona ...; ita che il dì sequente passeriano tutto quel exercito sul milanese; et hanno vituarie in quantità, ben provisto di brexani.