Intrò consejo di X simplice, stete pocho.
     
      Fo fato scurtinio di 2 savij a terra ferma, ordinarij, in loco di sier Piero Lando et sier ..., che compieno. Et rimase sier Alvise di Prioli, fo savio a terra ferma, quondam sier Piero, procurator, et sier Antonio Condolmer, è ambasador in Franza, quondam sier Bernardo; soto, sier Alvise Mocenigo, el cavalier.
     
      Fu posto, per i savij, che Vitello Vitelli, Renier di la Sasseta, et Guido Guain, qualli haveano 100 balestrieri per uno in questa guera, siano reduti a numero 25. Item, Franco dal Borgo, li fo cresuto, à cavali 55 di balestrieri, altri 50, che 'l sia reduto a li 55; Brazo Fortebrazo et Silvestro Aleardo sieno cassi; et Lodovico Batagin li sia dato balestrieri 40 et ducati 20 al mexe di provision, come l'havia in tempo di guera. Ave 8 di no, 128 de sì. E fu presa.
     
      Fu posto, per li savij, che 'l comun e homeni di Berbana, venuti noviter sotto la Signoria nostra, siano exempti per do anni. Fu presa.
     
     
     
      Sumario di lettera di Vicenzo Guidotto, secretario nostro in Hongaria, scrive la incoronatione dil re novo, data a dì 4 april 1508, in Alba Regal.
     
      In la chiesia cattedrale di Alba Regal, capella regia. Existente serenissimo rege hungarico, una cum filio et filia sua, magna baronum regni illius et praelatorum corona seu multitudine astante, in pontificalibus ornamentis, a reverendissimo domino cardinale strigoniense facta fuit primum unctio, praemissis nonnullis orationibus; et, uncto [561] puero, datus est ensis in ejus manibus, continuando orationes jam coeptas.