Subinde, in quodam monticulo, qui est in medio itineris, per illustrem comitem palatinum, dum reverteretur, factum fuit signum cum ense Sancti Stefani per aerem, vibrando illum circumcirca, quod significat, quando reges aetatem habentes coronantur, jurant ibi se defensuros regnum a quocumque offendere volente. Post hanc ultimam cerimoniam ad regium palatium perventum est, ubi majestas regia remanserat, cum qua et reverendissimus dominus cardinalis strigoniensis, cum omnibus aliis dominis et oratoribus, congratulatus est de hujusmodi perfecta coronatione, in precando conservationem augumentum et prosperitatem, brevi sermone.
      Omnibus majestas regia habuit gratias. Inde discessi, ad prandium paratum profecti, ibi mansere per horas circa quatuor. Postea ad praeparatum spectaculum hastiludii iverunt; in quo octo concertantes, per duas horas continue concusserunt egregie et perpulchre. Et palma, sine praemio, data fuit cuidam marchioni, nepoti regio, et solemnitas cum die finita est.
     
     
      Publicatione di le trieve tra il re di romani et la Signoria di Venetia, fate in campo, a dì X zugno 1508.
     
      In nomine sanctae et individuae Trinitatis, Patris et Filii et Spiritus Sancti, et gloriosae Virginis Mariae, beatorumque apostolorum Petri et Pauli, sancti Andreae et sancti Marci Evangelistae, notum sit omnibus, quod serenissimus et invictissimus dominus Maximilianus, imperator romanorum electus, et illustrissimus dominus Leonardus Lauredanus, inclytus dux, et excellentissimum Dominium venetum, medio et interventu reverendissimi domini Georgii, episcopi tridentini, et magnificorum dominorum Nicolai de Firmiano, Cypriani de Serertheon, cancellarii tirolensis, et Henrici de Knoringen, commendatoris ordinis militiae sanctae; Mariae Virginis, ordinis theutonicorum, et suprascriptorum quatuor [563] dominorum, nomine magnifici domini Pauli de Lietesthem, marescalchi regiminis in Hispruch, omnium ex parte praefati serenissimi imperatoris romanorum electi; et magnifici ac clarissimi domini Zachariae Contareni, equitis, oratoris, ex parte illustrissimi principis, et excellentissimi Dominii Venetiarum, inierunt et fecerunt bonam, veram et sinceram treuguam ac inducias, seu cessationem et armorum abstinentiam et offensionum omnium utrinque duraturam, seu duraturas, per annos tres continuos, a die praesentis publicationis immediate sequentis.