Blancae Mariae romanorum reginae magister curiae, Cyprianus de Serentem, cancellarius tirolensis et vicecancellarius curiae caesareae, et Hainricus de Knoringen, commendator ordinis militiae sanctae Mariae Virginis fratrum theutonicorum per baliam Atesis; et suprascripti quatuor domini, nomine magnifici domini Pauli de Lichtenstain, baronis de Castro Cornu, mareschalchi regiminis in Inysprugk et capitanei in Ratemburg ad Emum; et per potestatem et libertatem sibi a praefato domino Paulo attributam et concessam, ut patet per patentes litteras, subscriptas manu praefati domini Pauli, et suo sigillo munitas, datas in Bolsano, die 4° junii 1508, omnes tamquam procuratores, actores et negotiorum infrascriptorum gestores et nuncii speciales praefati serenissimi et invictissimi domini Maximiliani, imperatoris romanorum electi, ut patet per autenticum procurae mandatum, scriptum in membranis, in forma patenti, et bulla cerea pendente, solita et consueta, munitum, datum in civitate imperiali Augusta, die vigesimo sexto mensis marcii MDVIII, in fine infrascriptorum capitulorum registrandum, et nomine praefati serenissimi et invictissimi imperatoris electi ex una, et magnificus et clarissimus dominus Zacharias Contarenus, eques, tamquam orator, sindicus, procurator et legitimus mandatarius praelibati illustrisimi domini Leonardi Lauredani, inclyti ducis, et excellentissimi Dominii Venetiarum etc., ut patet per autenticum mandatum et sindicatum, scriptum in membranis, in forma patenti, et bulla plumbea pendente, solita et consueta, munitum, datum in ejus ducali palatio, die XVIIIJ maii, indictione XIa, MDVIII, in fine infrascriptorum capitulorum registrandum, et nominen praefati illustrissimi ducis et excellentissimi Dominii Venetiarum ex altera, inierunt, fecerunt et firmarunt, ac ineunt, faciunt et firmant, inter praefatos serenissimum et invictissimum dominum Maximilianum, imperatorem electum, et illustrissimum dominum Leonardum Lauredanum, inclytum ducem, et Dominium Venetiarum, bonam, veram et sinceram treuguam, inducias, seu cessationem et armorum abstinentiam ac offensionum omnium, utrinque duraturam, seu duraturas, per annos tres continuos, incipientes a data praesentium et immediate sequentes, sub illis formis, capitulis et conditionibus, prout inferius declarabitur.