In primis, quod, facta publicatione praesentis treuguae, quaelibet suprascriptarum partium tollere et levare debeat hinc inde omnes offensiones, et se [565] abstineat et cesset, ac cessare et abstinere debeat ab offensis omnibus, ita quod, durante dicto tempore trium annorum, aliqua praedictarum partium, per se neque per alium, sive alios, directe vel indirecte, quovis modo non possit bellum, sive offensionem aliquam, aliquo modo inferre alteri parti; et hoc promiserunt realiter, bona fide et sine fraude, ab utrisque partibus inviolabiliter observari.
      Item, quod in dicta treugua, ex parte praefati serenissimi et invictissimi domini Maximiliani, imperatoris electi etc., denominentur, ac pro inclusis, comprehensis ac denominatis habeantur, sanctissimus dominus noster papa Julius secundus, serenissimi et exellentissimi reges Hungariae, Aragonum et Angliae, ac omnes principes, comunitates et status, subditi et pertinentes sacri romani imperii, ubicumque locorum tales fuerint, pro confoederatis, ac omnes et singuli amici, alligati et confoederati praefatae cesareae majestatis ac regum praenominatorum ac statuum imperii, infra terminum trium mensium nominandi. Ex parte vero illustrissimi ducis, et excellentissimi Dominii Venetiarum, expresse includantur, comprehendantur et denominentur, ac pro inclusis, comprehensis et denominatis habeantur serenissimus et excellentissimus dominus Ludovicus XII, francorum rex christianissimus, ac serenissimus et excellentissimus dominus Ferdinandus Aragonum etc. rex catholicus, confoederati et praecipui amici praelibati illustrissimi ducis et excellentissimi Dominii Venetiarum, ac etiam omnes et singuli amici, alliati et confoederati, tam praefatorum serenissimorum regum Franciae et Hispaniae, quam illustrissimi ducis excellentissimique Dominii Venetiarum, in Italia tantum constituti, infra terminum trium mensium nominandi.