Demum, pro observatione omnium praemissorum, dicti reverendissimus dominus Georgius, episcopus tridentinus, magnifici et clarissimi domini Nicolaus de Firmiano, Cyprianus de Serentem, Hainricus de Knoringen et suprascripti quatuor domini, nomine magnifici domini Pauli de Lichtenstain, per potestatem et libertatem sibi attributam, ut suprascriptam est, tam nomine caesareae majestatis, quam suo proprio, nec non praefatus magnificus et clarissimus dominus Zacharias Contarenus, eques, nomine illustrissimi ducis et excellentissimi Dominii Venetiarum, ac suo proprio nomine, promiserunt ac promittunt hinc inde suprascriptam treuguam, ac omnia et singula superius in dictis capitulis contenta, firma, rata et grata habere, tenere, observare ac inviolabiliter observari facere, et effectualiter et in totum adimplere, et non contrafacere, dicere vel opponere, per se vel per alium, sive alios, directe vel indirecte quomodocumque; et ita, manibus tactis sacris scripturis, ad sacra Dei evangelia jurarunt omnia et singula suprascripta fecisse bona fide et sine fraude ac integre observaturos. In quorum fidem et testimonium, praesentes capituli treuguae, scripti duplicate per nos Cristoforum Hofman, secretarium serenissimi imperatoris electi, et Johannem Jacobum Caroldum, secretarium serenissimi principis et excellentissimi Dominii Venetiarum, de mandato suprascriptorum dominorum, propriisque eorum manibus subscripti, et sigillis illorum muniti, ac cuilibet dictarum partium exhibiti sunt.
      Actum in monasterio Sanctae Mariae Gratiarum, agri archensis, die sexto iunii MDVIII.