Femo provision de ruinar de fato le cosse più pericolose, per poter netar le strate et trazer li corpi, et far che pam non mancha a la piaza; ne semo per manchar de ogni altra provisione neccessaria. L'arsenal etiam hè resentito alquanto e non sta troppo bem. Candia a li nostri zorni, di fioli, et forssi mai se redurà come la era, se la illustrissima Signoria, che etiam de lì se trova in travagli, non gli pone la mano, come son certo farà, per non habandonar questo regno, tanto al proposito al stato suo. Questi havevano electo uno ambasator per la cossa di vini; et hora il converà, con uno altro, forssi a presso expedir per questo. Credo il provedador de l'armada convien li scrivemo se reducha in qua, et non serà fuora di proposito per ogni rispecto. Lo exterminio et damno è tanto grando, che più non se potria immaginar non che dire. Idio per sua [572] clementia, bontà et misericordia, et non per nostri meriti, se degni poner la mano.
     
      Candidae, primo iunii 1508.
     
      PETRUS MARZELUSCretae capitaneus.
     
     
      Copia di una notatrata di una notabelissima cronicha.
     
      Corando 1303, a dì 8 avosto, zobia da matina, si fo lo gran teremoto in l'isola di Crede, e la citade de Candia s'è dirupà tutta, e pluxor castelli de l'ixola, e morinde persone asse' de la citade de Candia, essendo ducha de Candia, missier Vido da Canal; et in quello dì caze Acre et Alexandria et molte altre terre. In Veniexia fo etiam sentido, ma a la merce' de Dio, el non fo danno algun a la terra; et in la Marcha fe' danno et infin se sfesse lo so palazo novo.