Item, certe nove dil soldan, che fa armata, ut in litteris.
     
      [1508 07 12]A d́ 12. El signor Bortolo andoe a disnar, con la moglie et li capi stati in campo, tutti a cha' di sier Zorzi Corner, el cavalier, dove erano ... donne invidate, per far ozi una festa bellissima, ballato con maschare. Fato una degna colatione, più di 200 che portava, con le terre aquistate, di zucaro, Goricia, Cremons, Trieste, Pordenon etc., et spongae con arme dil signor Bortolo et Cornera; et fato poi recitar alcuni verssi in forma di comedia, adeo tutto quel zorno stenno in delicie, et voltizar su corde etc.
     
      Et in questo zorno fu consejo di X.
     
      [1508 07 13]A d́ 13. Da poi disnar fo colegio, di la Signoria e savij, ad consulendum; et fo licentiati li 300 stratioti venuti ultimamente, che per adesso non volevano altro. Fonno su reformation di zente d'arme et su armar per le cosse di Cataro.
     
      In questa matina, in chiesia di San Marco, fo dato el stendardo et baston d'arzento al signor Bortolo d'Alviano, come governador di le zente nostre da pe' et da cavallo. El qual prima vene, con li piati et molti patricij invidati ad acompagnarlo, a San Marco, dove, con le trombe avanti, andato a la Signoria, insieme veneno zoso, acompagnato da tutti li soi et altri homeni da capo, stati in questa impresa. Et era con la Signoria li oratori Franza et Spagna, Ferara non z'è; 4 procuratori: sier Domenego Morexini, sier Nicoḷ Michiel, sier Antonio Trun, sier Tomà Mocenigo; et questi altri, videlicet: il signor Pandolfo Malatesta, signor di Citadela, domino Antonio di Pij, el signor Piero dal Monte, domino Zuan conte Brandolin, domino Francesco Beraldo, domino [580] Marco dal Castelazo, poi domino Renier da la Saseta, Vitello Vitelli, conte Romeo di Pepoli, Zuan Francesco d'Ascole, Guido Guaim, Latantio da Bergamo, Gnagni Pincone, dal Borgo, el conte Renier Zaffa, capo di stratioti, da Napoli di Romania, Franco dal Borgo, et altri assa' capi, homeni d'arme et contestabeli, videlicet uno forestier et uno patricio a hordine; et la Signoria fo ben acompagnata.