Item, el vescovato di Zervia à zà promesso via. Et che in concistorio era stà conferito l'arzivescoa' di Fiorenza, vachato per la morte ..., in uno di Pazi, qual fo promosso per el cardinal de Medici. Et che el cardinal Voltera disse: L'è homo da ben, et quella caxa fo sempre contraria a' tyranni. Questo, perchè li Pazi alias amazorono Juliano de Medici etc. Et che 'l cardinal di Medici 0 rispose, aziò fusse expedito. Et compito di pronuntiarlo, esso Medici, con altri cardinali, andò versso Voltera, dicendo, a che fin havia dito quelle parole, alterandossi insieme assai etc. Item, che il re di Portogallo havia scripto una letera al papa di aquisto di certa ixola, ut patet in copia mandata, la qual sarà qui soto scripta; et che 'l papa per questo, et per honorar li oratori di Chastiglia, à terminato il zorno di San Jacomo far in Roma una solenne precessione e farli pranso a essi oratori. Item, dil zonzer lì a Roma dil signor Prospero et Fabricio Colonna; et aver mandato certo prete per stafeta in Alemagna, et zà si ave la revocatione dil legato Santa †. Item, a Narni esser sequito remor tra quelle parte. Item, che 'l papa à dito, voler tratar di far impresa contra infidelli, nominando tutti li potentati dil mondo, excepto venitiani etc., ut in litteris.
     
      Fu posto, per li savij, certa parte di Crema, di [582] danari deputati a la fabricha, videlicet ducati 5000 a l'anno. Et fu presa, 7 di no.
     
      Fu posto, per li diti, certa scansation di spexe a Bergamo, superflue, ut in parte; et che 'l retor dia esser fato, si fazi con questa condition.