Laudado sia Dio uno, e salvazion sia sopra el nostro signor Machometo, et poderoso e molto famoso e generoso e valoroso re de' christiani, don Fernando, de vostro fio e molto amado de vostro servizio, Ajaum, fio del re Agamarazan, che è salvo e perdonado.
      Deteme una letera Piero Nunaz de Soria, marchadante; et ebila intanto, come se vi fusse stato la presentia vostra. Quel che prima scrivo, zercha questa negociaziom, è 'l fin de l'effetto primo et ultimo. Piero Nunaz me informò de l'amor et desiderio che mi haveti; et perchè l'è amor de grandeza, Dio ponga [583] abondantia et acrescha molto a la vostra vita. Cercha a la capitulazion, che va confirmada de mio nome et de Abrazam, mio secretario, e tutti i luogi de la costa del mar, i qualli sono: Algezin, e Gerzin, e Leis, e Querer, e Mostagran, e Chorin, e Oram, e Anain et tutto el forzo de la costa del mar, sarano vostro, con parole de segurtade, che dareti de re. Quel che me à da restar, è la cità de Tremesen, con tutti i luogi che son con ella, et più la cità de Remezet, che è a la costa dove Jo sto, perchè in quella è sepulto mio padre et mie' avi. E per tutto quello che se concluderà, domando parola de segurtade, firmada de vostro nome, e signada de vostro segno, et de cinque cavalieri, signori di vasali del vostro regno. E, visto questo, avierò in ostaso un fiol, che ò solo, et darovi ne le man le forteze, che sono in mio poder. Et dandove Jo questo, me poreti dar ajuto e favor, hessendo quel che seti, aziò che Jo faza guerra ai altri luogi.