0 da conto. Fato do sopracomiti, justa la parte: sier Zuan Francesco Polani, sier Filipo Badoer, con titolo.
     
      [1508 07 23]A dì 23. Fo etiam gran consejo. Fato podestà a Vicenza sier Francesco Donado, el cavalier; et do sopracomiti: sier Bernardim da Riva, è sopracomito, et sier Alvise da Canal, fo consier a Corfù.
     
      [1508 07 24]A dì 24. Da poi disnar fo consejo di X.
     
      [1508 07 25]A dì 25, fo San Jacomo. La matina se intese la nova di la morte dil capetanio di le fantarie, come dirò di soto.
     
      Da poi disnar fo pregadi. Et leto molte letere:
     
      Da Constantinopoli, di sier Andrea Foscolo, baylo, di ... zugno. 0 da conto; di quelle occorentie etc. . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . .
     
      Dil Zante, di sier Antonio da Mulla, provedador. Come havia nova, a Rodi esser stà scoperto certo tratado di turchi, qualli erano numero 500 su una nave, di soto, et in bote di saladi erano arme, qual voleano, con intelligentia dentro, far facende in Rodi; et scoperta, la nave è stà brusà lì im porto. Item, scrive di le galie di Alexandria, partide di Alexandria et viste verso Modon, et la nave rata; et hanno ben il suo cargo.
     
      Dil provedador di l'armada, date a [590] Curzola. Come era venuto lì, et inteso che turchi haveano mandato 3 navilij di ragusei a tajar palli e legnami in Narenta. Et ha 'uto intelligentia la sorta di palli, ut in litteris, qualli non è da conto, ma ben per fortificar Castenovo, dove sono 4000 persone a questo.