Item, è venuti a lui do oratori ragusei a dolersi, aver convenuto dar i navilij, scusandosi. Item, à lassato ĺ in bocha di Cataro ... galie sotil, ut in litteris, videlicet ...
     
      Di Cataro, di sier Nicoḷ Coppo, retor e provedador, di ... Zercha il lavorar fanno turchi a Castelnuovo lentamente etc.
     
      Di Cao d'Istria, di sier Etor da cha' Taiapiera, podestà et capetanio. Di certa adunation di turchi di sopra versso Lubiana, per venir a' danni in Histria, ś come à aviso da Damian di Tarsia, castelan a Castelnuovo, e manda la letera. Item, lui podestà à fato provision al bisogno e comandado uno homo per caxa a star riguardosi.
     
      Di Brexa, di sier Zuan Paulo Gradenigo, podestà, et sier Marco Dandolo, dotor, cavalier, capitanio, di 20. Come in quella matina trete una sieta e bruṣ, nel castello di Brexa, dove era la polvere di bombarda, barili 1800 et ruiṇ certa torre etc. Et poi anḍ a uno monasterio di donne di Santa Chiara et amaẓ 3 monache, con altri danni, ut in litteris.
     
      Di Verona, di sier Francesco di Garzoni, podestà, et sier Francesco Bragadin, capetanio, di 24. Che a d́ 23 da sera, domenega, poi cena, hessendo andato a cavalo a piacer domino Zuan Baptista Carazolo, capetanio di le fantarie nostro, qual ĺ stanciava, con uno suo, a Ixola di la Scala, amico, nominato Alberico, neapolitano, el qual usava spesso in caxa sua; et come fu fuora, esso Alberico li dete di uno pugnal da driedo, et fuzite via versso mantoana. Uno famejo dil capitanio, era a piedi, li corse driedo, et do altri atese ajutar esso capitanio fino a caxa, qual, smontato, subito expiravit; caso molto doloroso, nè si sa la causa.