Sier Zuan Piero Gixi, fo 40 zivil, quondam sier Antonio.
      Sier Donà Moro, el 40, quondam sier Bortholamio.
      [595] Sier Jacomo Boldù, el 40, di sier Hironimo.
      Sier Bernardim Zustignan, fo cao di 40, quondam sier Marco.
      Sier Piero Gradenigo, el cao di 40 zivil, quondam sier Anzolo.
      Sier Hironimo di Prioli, fo 40 zivil, quondam sier Ruberto.
      Sier Andrea Marzello, fo cinque di la paxe, quondam sier Fantin.
      † Sier Alvise Contarini, el cao di 40, quondam sier Galeazo.
      Sier Marco Antonio Corner, fo a la tavola di l'intrada, quondam sier Nicolò.
      Sier Zuam Lion, el 40, quondam sier Francesco.
      Sier Sebastian Balbi, el cao di 40, quondam sier Jacomo.
     
      [1508 07 27]A dì 27. Da poi disnar fo pregadi per li synici, per expedir il caso di sier Polo Trivixan, el cavalier, fo provedador a Sallò, per lhoro intromesso. Parlò sier Andrea Mozenigo, dotor, olim auditor et synico; li rispose domino Rigo Antonio un'altra volta. Et li synici non volse mandar la parte, volendo farli risposta; et fo rimesso a uno altro consejo.
     
      [1508 07 28]A dì 28. Da matina in colegio, con li cai di X e savij di una man et di l'altra, fo balotadi do scrivani, uno a ..., l'altro a Ravena.
     
      Da poi disnar fo consejo di X con zonta.
     
      [1508 07 29]A dì 29. Da Roma, di 25. Dil pranso over cena fata per il papa, a dì 25, a li oratori di Chastiglia e cardinali palatini. Item, di la morte dil cardinal San Vidal, qual fo legato a Bologna, et poi retenuto per il papa, qual li tolse ducati 20 milia, et horra senza mal in doi zorni è morto. E fo sepulto di note, con 4 torzi e non con le funere solite farsi a' cardinali, con gran cerimonie; si tien fusse tosichato.