Se a caxo l'achaderà, che 'l sia fato presio di rami, sia fato né [597] pluj nè mancho, perchè el prexio è prexio de Dio; e che se debia star de bon cuor e aliegri. Et quelli che vignirà in la terra d'Alexandria, sia sotto salvoconduto de Dio, la roba et la nave, chomo el nostro comandamento è insido per avanti; e che 'l sia batallà tutte uxanze cresude e innovade, como è scrito per quelli comandamenti scritti per avanti, perchè el signor soldam se à vultà a vardar de adrezar la terra d'Alexandria et i merchadanti, et questo tu abbi per cossa ferma.
     
      Nota, che per ben che in la scritura oltra scrita el para che l'abia confermà per un altro comandamento i capitolli fati a Veniexia, se dize revera, che, al tempo fo fato l'oltrascrito comandamento, non haveva confermà cossa alguna; ma ben da poi, per l'ultimo comandamento fato, et in Alexandria recevuto, a dì primo marzo 1508 fo confirmati; et da poi, per un altro comandamento, confermò in quella parte del piper, che nel sopradito manchava.
      Dil mexe di avosto 1508.
     
      [1508 08 01]A dì primo, marti. Fo cantà una messa, preparato in corte dil fontego di todeschi, fabrichato novamente; opera bellissima, nel qual si à speso fin qui da ducati ... milia. Et à la cura di la expeditione sier Alvise Sanudo, provedador al sal.
     
      Hor, cantato una solenne messa. Et introno dentro li vicedomini a l'oficio, la nome di qual sarà qui sottoscripti, et li todeschi comenzono a intrar et ligar balle; e tutavia dentro si va compiando, et depenzendo di fuora via, tamen non li core fitto, si non al primo di marzo 1509 si comenzerà; et le botege di sotto fonno afitade, e si trarà di fitto di più à l'anno ducati ... Hor li vicedomini, che comenzono, fonno sier Zuan Agustin Pizamano, quondam sier Fantin, sier Hironimo Malipiero, di sier Piero, et sier ...