Fu posto, per li savij, che a Franco dil Borgo li sia dato 25 balestrieri a cavalo, provisiom e tansa, ut in parte. Presa.
     
      Fu posto, per li savij, atento il signor Zuan Cosaza ha refudato la conduta di 25 homeni d'(arme) havia, che l'habi tansa per cavali 15 etc., ut in parte, atento è nevedo di charzego, fo bassà dil signor turco. Et fu presa: 7 di no, 83 di si.
     
      È da saper, in questo zorno achadete 4 cosse [601] notande in Veniexia. Primo, eri a San Stephano fo sepulto una dona in terra, la qual butò il brazo fuora; e iterum, posto il brazo sotto terra, lo 'l cavò fuora, adeo concorsse gran numero di persone a vederla. Secundo, in questa note fo portà, su la porta di Servi, una cassa, era scrito di sopra: Savom; la qual, la matina, li frati, aperto la porta di la chiesia, la trovono, e aperta, fo trovà una dona, rasa la testa, morta, con molte ferite. Tertio, questa matina uno vilan di colognese, havendo vadagnà una litte, usendo di l'hostaria, fo asaltà da tre et amazato. Le qual do cosse fo dato taja per la quarantia. Item, fu, per li capitanij di signori di note, presi in una caxa di una meretrice 8 ladri; li qual il zorno stevano lì, e la note ussivano a robar. Et fenno gran difesa avanti fosseno presi, pur fonno pigliati et posti in camera.
     
      [1508 08 02]A dì 2. La matina fo ordinato, per la Signoria, pregadi, per li syndici da terra ferma, per expedir il caso di sier Polo Trivixam, el cavalier, fo provedador a Sallò, per lhoro preso di retenir; e pende. Et cussì, reduto da poi disnar bona parte, fo licentiato il pregadi, et chiamato consejo di X, qual era stà ordinato, con una zonta di X nuova, per cossa di grandissima importantia, adeo tutti ebeno che dir di tal cossa insolita farssi.