(À) adatà la cossa dil piper; lauda Tangavardin, si à ben portato.
     
      Di Puola, di sier Agustim da Mulla, capetanio di le galie di Fiandra. Di la condition di le galie, et anderà al suo viazo etc.
     
      Di Puola, di sier Bortolo da Mosto, capetanio di le galie di Barbaria. Ut supra, di le galie; et va al suo viazo.
     
      Di Trieste, di sier Francesco Capelo, el cavalier, provedador, di primo. Dil zonzer lì dil signor Piero dal Monte, capo di quelli provisionati; et come esso provedador havia fato apichar uno, che fo più anni cavalier lì, per parole usate, con dir: Questo podestà à voja sia fato di lui, come è stà fato di altri, e tajarlo a pezi. Item, è malli animi in quella terra, e saria bon levarli etc.
     
      Di Udene, dil luogotenente. À uno reporto di uno di Tulmin, che in Lubiana è zonto il duca di Brexvich, e fa fortifichar quella terra, e à fato comandamento, tutti li subditi di la Signoria si parti; et che il re non vol le trieve, e verà zente, et farano etc.
     
      Fu posto, per li savij, scriver a Trieste, al provedador, lievi chi li par di suspeto, et fazi quello li par mejo per conservation di la terra. Presa.
     
      Fu posto, per i savij, certa parte di dacij di Charavazo, che per 4 anni ancora pagino ducati 800 a Bergamo, poi se incanti. Presa,
     
      [604] Fu posto, per tutti i savij, che a la balotation in colegio, di oficiali, quelli non sono presenti, non possino esser balotadi, excepto li amallati, ut in parte. Fu presa.
     
      Fu posto, per li savij, che alcuni spagnoli di certe robe etc. sconti; et non pagi, per non esser soliti, ut in parte.