Et consejo di X vene zoso hore 23.
     
      [1508 08 05]A dė 5. Da poi disnar etiam fo consejo con la zonta, ut supra, et vene zoso hore 22 1/2. Et il colegio poi intrō in camera, et steteno fin horre una di notte.
     
      [1508 08 06]A dė 6, domenega. La matina fo molte letere in colegio, di mar, di Cypri, di Alexandria, di Candia, dil provedador di l'arma', di Cataro et altrove, et di Napoli, di Roma, Milan e Ferara.
     
      Vene l'orator yspano, a ringratiar la Signoria di [605] esser stato a Padoa, et honorato et charezato da quelli rectori etc.
     
      Da poi disnar fo gran consejo. Et poi consejo, il colegio dil consejo di X si reduseno a consultar insieme. Č da saper, in questo zorno achadete cossa assa' notanda, che in tre zorni fo sepeliti, prima la moglie, poi il marito, amallati in uno zorno e di una egritudine: videlicet sier Francesco Morexini, dotor et cavalier, fo avogador di comun, quondam sier Ruberto, e la moglie, fo fia di sier Alvise Morexini, da Sancto Aponal, senza figlioli; et si amalono per esser stadi a Fossom a una lhoro possession. Si dice manzono fongi, e poi beveteno latte; e si tien si atosichasseno per ditti fongi, over per l'ajere cativo č lė a Fossom. Etiam do fameglij e femene stanno malissimo; sė che, non sapendo uno di l'altro, il sabato fo la moglie sepulta, et il luni il marito, a San Zane Polo; et non si confessō nč comunichoe, credendo non aver mal.
     
      Etiam ozi achadete, che eri la moglie di sier Vetor Valaresso, fo fia di sier Unfre' Zustignan, stando bene, li vene un certo accidente, con una rabia di cuor, hessendo andata a la cha' di la madre; adeo la note, a hore 8, morite pur a cha' di sua madre.