Et rimase: sier Alvise di Prioli, fo consier, sier Bernardo Bembo, dotor, cavalier, fo podestà a Verona, et sier Piero Morexini, fo consier.
     
      A d́ sopra dito. Part́ la galia sotil, soracomito sier Tomà Moro, armada per 6 mexi. Anḍ dal provedador di l'arma'.
     
      [1508 08 09]A d́ 9. La matina fo retenuto, per i cai di X et colegio, per diliberation dil consejo di X, sier Hironimo Condolmer, quondam sier Zuan Francesco, etiam sier Bernardim Falier, quondam sier Zuane; et il colegio si reduse.
     
      Da poi disnar fo audientia publica.
      El cardinal Corner, venuto di Roma, gionse in questa terra, vien di Verona in uno zorno, et secrete fo a visitar il principe. La sera poi si amaloe di febre.
     
      [1508 08 10]A d́ 10, fo San Lorenzo. La matina, per il colegio dil consejo di X, numero 7, manchava sier Vincivera Dandolo, fono examinati 4 zenthilomeni, per haver dato danari a quelli li hanno tolti in officij, videlicet sier Hironimo Zustignan, quondam sier Antonio, sier Francesco Foscari, quondam sier Nicoḷ, sier Lorenzo Capello, quondam sier Bernardo, sier Almoṛ Donado, quondam sier Piero; i qualli confessono aver dato danari e altro a quelli li haveano tolti, come la terra usava di far etc. E fono lasati andar, tolta la soa depositione per Nicoḷ Aurelio, secretario dil consejo di X. Etiam fo examinà sier Matio Minio et altri etc., adeo tutto il d́ ditto colegio fo ocupado, nè fonno im pregadi.
     
      Da poi disnar fo pregadi. Et leto molte letere, non da conto, questo è il sumario:
     
      Di Roma. Come il papa havia fato concistorio, et concesso le decime al re di Spagna, al clero, per andar contra infedelli, con questo il quarto sia mandà a Roma per fabrichar la chiesia di San Piero.