E non presa.
     
      Fu posto, per li savij, de sequestrar il resto di le intrade in Cypri, che non è pertinente a la comendaria dil quondam domino fra' Marco Malipiero, ut in parte. Presa.
     
      Item, sier Pollo Pixani, el cavalier, consier, deputato per il colegio di parlar col nontio dil re di romani, è qui incognito, nominato domino Zuan Rauber, consier regio, col qual sono stati a San Zuane Pollo in colloquio, referì quanto li havia ditto. Il qual re voria far apontamento di pace etc.; ma non disse conzarla con danari.
     
      Fu poi posto, per i savij, scriver in Franza di quanto era stà per ditto messo proposto etc., ut in litteris. E presa.
     
      [1508 09 05]A dì 5. La matina fo in colegio uno orator di la comunità di Ragusi, venuto per ...
     
      Da poi disnar fo consejo di X simplice. Et leto li processi di sier Michiel Memo e sier Hironimo Baffo, fonno rectori di Napoli di Romania, qualli solicitavano la sua expeditione. El qual processo l'avia fato Philippo Zamberti, mandato a questo effecto per i cai di X.
     
      Noto. In questi giorni in Rialto fo incantà il dazio dil vin a sier Bernardo da Leze, di sier Jacomo, per ducati 80 milia et 500 per uno anno; sì che à cresuto, di quello di l'anno passà, ducati 9000. Qual havia sier Piero Donado, quondam sier Nicolò, et vadagnà benissimo.
     
      [1508 09 06]A dì 6. Fo etiam consejo di X simplice, e compito di lezer li processi ut supra, et non si poteno expedir: a un altro consejo.
     
      [627][1508 09 07]
      A dì 7. Fo pregadi. Et leto le infrascripte letere:
     
      Di Spagna, di sier Francesco Corner, orator, più letere.