[1508 09 14]A dì 14. La matina letere di Roma, di 11. Di la morte dil cardinal San Piero in Vincula; e il papa havia dato il capello, e tutti li beneficij, a l'altro fratello di esso cardinal et suo nipote, ferier. El qual cardinal havia de intrada ducati 44 milia, tra i quali il vescoa' di Vicenza, val ducati 2500 d'intrada a l'anno.
     
      Da poi disnar fo gran consejo. Fato luogotenente in la Patria di Friul sier Alvise Grimani, fo cao dil consejo di X, quondam sier Bernardo, da sier Hironimo Contarini, da Londra, dopio, et sier Marin Zorzi, el dotor.
     
      Item, vene a consejo uno doctor nuovo, sier Ypolito Contarini, di sier Ulivier, dotorato in questa setimana a Padoa.
     
      Item, fo in eletion in la 4.tia el signor Zuan Cosaza, fo fiol dil ducha Vlacho, et nepote di Charzego, fiastro di sier Marco Loredan, quondam sier Antonio, cavalier, procurator.
     
      [630] Item, per letere di Roma si ave, a Brazano esser morto il principe di Rosano, domino Zuan Batista di Marzano, di caxa di Ragom, di anni ..., qual era privo dil stato, per aversi tenuto contra Spagna.
     
      [1508 09 15]A dì 15. Fo consejo di X simplice, per expedir li rectori stati a Napoli di Romania, et non fono spazadi.
     
      [1508 09 16]A dì 16. La matina fo in colegio sier Francesco Bragadim, venuto capetanio di Verona, et referì juxta il solito.
     
      Da poi disnar fo pregadi. Et leto molte lettere:
     
      Di sier Hironimo Contarini, provedador di l'armada, date in Candia. Come va in Andre; et non anderà in Cypro, per non esser più dubito, è con 7 galie. Camallì è a Negroponte con 2 galie, 3 barze, il resto fuste.