Et anḍ le 3 parte: 0 dil Trun, 60 di consieri, el resto dil Duodo, el cavalier, 97. Questa indusia fu presa.
     
      Fu posto, per li consieri, uno acordo di sier Agustin di Garzoni, quondam sier Garzon, dil banco, qual vol pagar per il suo 3.° et debito dil banco, ch'è ducati 48 milia, in anni 5, di danari dil sal, et molti à sotoscrito, altri non vol sotoscriver etc., che li sia perlongà il salvoconduto, ut in parte. Et fu preso: 17 di no.
     
      [1508 09 23]A d́ 23. La matina non fo 0. Da poi disnar fo consejo di X, con zonta di colegio e altri, per certa parte voleva meter sier Luca Trun e compagni, cai di X, zercha dar il sal, ut patet.
     
      In questo zorno gionse l'orator di Hongaria. Fo mandato alcuni dotori et patricij a Margera contra, et alozato in la chaxa fo di Zuan Dario sul canal grando a San Vio; nome, domino Philippo More.
     
      [1508 09 24]A d́ 24. Fo gram consejo. Et compito di far li X e pregadi.
     
      [1508 09 25]A d́ 25. La matina fo in colegio l'orator hungaro, et presenṭ le letere di credenza, et dimanḍ li danari etc. Fo acompagnato da sier Lorenzo Orio, dotor, sier Marco Gradenigo, dotor, sier Alvise Bon, dotor, et sier Ulivier Contarini, dotor. Et il principe li fe' bona ciera, et ditto si consulteria etc. El qual orator, nome domino Filippo More.
     
      Noto. Eri matina in colegio fu fato contestabele in la rocha di Cremona Jacomin di Val Trompia, contestabele, fidelissimo nostro; et in la rocha di Faenza Jacomo Antonio Ronchon, veronese.
     
      [642] Da poi disnar fo pregadi. Et fu posto molte taje, di Verona, Vicenza et Padoa, di casi seguiti, ut in eis.