Et sier Marco Bolani, consier, messe de diferir; et li savij si tolse zoso, et d'acordo fo indusià.
     
      Fo fato scurtinio di 3 savij dil consejo, in luogo de sier Antonio Trum, procurator, sier Lunardo Mocenigo, sier Zorzi Corner, el cavalier, che compieno. Rimase sier Domenego Trivixam, cavalier, procurator, sier Andrea Venier, et, nuovo, sier Andrea Gritti, fo podestà a Padoa; sotto, sier Zorzi Emo. Cazò, con titolo, sier Nicolò Michiel, dotor, cavalier, procurator, sier Marco Antonio Morexini, cavalier, procurator, sier Lunardo Grimani et sier Hironimo Donado, dotor, el qual ancora non è zonto, vien ducha di Candia.
     
      [645] Fo fato la zonta, numero 165 tolti, et tra li altri sier Hironimo Sovergnan, quondam sier Pagan, per aversi ben portato in questa guerra in la Patria di Friul; el qual ave provision, ut scrissi. E nota, da poi che li Sovergnani fono fato dil gran consejo, che fo dil 14.., per l'aquisto di la Patria, mai più niun di lhoro fo balotadi, nè im pregadi, colegio, ni in gran consejo. Et questo sier Hironimo ave de sì ..., et di no ...
     
      A dì 30 septembrio. Introno cai di 40, a la bancha: sier Filippo Trun, quondam sier Priamo, sier Zuan Alvise Soranzo, quondam sier Beneto, sier Jacomo Boldù, di sier Hironimo; capi di X: sier Polo Antonio Miani, fo consier, sier Lorenzo di Prioli, fo consier, sier Alvise Malipiero, fo consier. Et fossemo a balotar la zonta numero 1162, che mai più fo tanto numero. Et passò oltra il numero di 60 che poteva intrar. Et sier Daniel Vendramin, che era cazudo di pregadi, per venir ultimo di 162, rimase.