Ave 600 di no, et 400 di sì et balote ...; e non fu preso. Fu fato in suo loco sier Alvise Bon, dotor.
     
      Di Roma, fo letere di primo, di sier Zuan Badoer, dotor, cavalier, orator nostro. Avisa la morte dil cardinal Colona lì a Roma; et che tre cardinali erano amallati: San Zorzi, che stava grieve, Samallò et Brixenon. Et altre occorentie, ut in litteris. Item, fo letere di Franza, di sier Antonio Condolmer, orator, il sumario dirò poi. Et da mar, di Candia, hanno avisi vechij di la morte dil turco.
     
      [1508 10 05]A dì 5. Da poi disnar fo audientia di la Signoria et di savij.
     
      [1508 10 06]A dì 6. Fo pregadi. Et leto le infrascripte lettere:
     
      Di Cypro, di sier Piero Loredan et sier Piero Baxadona, consieri, di 6, de ... Avisa, sier Lorenzo Zustignan, luogotenente, esser amalato. Item, il licentiar di le nave retenute; et che di l'armada dil soldan non è altro, ni di quella dil signor turco etc. Et altre nove et occorentie di quella ixolla, et de formenti.
     
      Di Candia, di sier Alvixe Arimondo, ducha, et sier Piero Marcello, capetanio. Di le [648] occorentie di lì; et che in l'Arzipielago era levà una nova. il signor turco esser morto etc.
     
      Di Roma. Il sumario ho scripto di sopra.
     
      Di Spagna, di sier Francesco Corner, orator nostro, date a Corduba. Come quel re tutto li succiede ad vota in quel regno di Chastiglia contra i soi contrarij, ut in litteris. Narra quelle cosse; et che per la corte se divulga, la serenissima regina, soa consorte, esser graveda, la qual cossa saria di gran importantia.
     
      Non fo posto parte alcuna di momento, solum do taje.