Et dil zonzer lì al re uno borgognon, nominato monsignor de ..., e di là va monsignor di Albì; et messi dil re era andati al re di romani etc.
     
      Di Cremona, di sier Zacaria Contarini, el [651] cavalier, capitanio. Come havia auto letere di Elemagna, cercha certa dichiaration, come più diffuse scriverò di sotto; qual fo comandà credenza.
     
      Di domino Antonio Pizamano, episcopo di Feltre, date a Basan. Avisa nove aute di Elemagna, per uno vien di lì, che 'l re è in Fiandra et dice dove. E vol far una dieta questo Nadal; à comandà questi subditi vicini vadi, et voleno far etc., e recuperar il persso, con molte particularità, come in ditte letere. Laudate.
     
      Di Udene, di sier Andrea Loredan, luogotenente. Come in Lubiana è pur zente alemane e vicinano mal con nostri, et maxime per una villa vicina a Postomia, qual todeschi voriano fusse sotto lhoro, e l'Alviano dice è nostra, perhò dubita etc.
     
      Fu posto, per li consieri, certe taje, come apar per letere di retori nostri di terra ferma, di casi seguiti.
     
      Fu fato scurtinio di uno savio dil consejo, perchè l'altro zorno niun passò; et rimase sier Zorzi Emo, nuovo, fo provedador zeneral in campo, quondam sier Zuan, cavalier, qual passò di do ballote. Cazete con titolo sier Marco Antonio Morexini, cavalier, procurator, sier Lunardo Grimani et sier Hironimo Donado, dotor, qual non è ancor zonto, vien ducha di Candia. Et l'Emo intrò subito.
     
      [1508 10 17]A dì 17. Fo consejo di X con zonta.
     
      [1508 10 18]A dì 18. Fo gran consejo. Fato consier in Cypro, eletion in loco di sier Piero Loredan è morto; et niun rimase, nè passò.