Ave 58 di no et 76 di sì; e fo presa. Et non si dovea prender, perchè sono zà assa' anni in ditto oficio, con mormoration di tutti.
     
      Fu posto, per li savij d'acordo, una letera in Franza, a l'orator nostro, come el sia vigilante zercha queste pratiche si trata di lì, et ditoli la intention nostra zercha far liga etc., ut in ea. Presa.
     
      Fu posto, per li savij, che, zercha la rota Sabadina, si debbi per colegio elezer 3, qualli vadino super loco etc., con pena; et si fa in locho di 3, qualli fonno electi, et parte è morti, altri intrà in officio.
     
      Fu posto, per li savij, che a requisition di oratori padoani, qual si doleno di quanto per li XX.ti è stà deputà, che li alditeno zercha la diferentia di l'estimo dil clero et padoani, qualli terminò fosse refato l'estimo, et lhoro non voleno questo, e dicono hanno excesso forma mandati di la creation lhoro; perhò, che volendo disputar questo articolo, possino venir quest'altra setimana al pregadi con li soi avochati. Presa.
     
      [1508 11 04]A dì 4. La matina il principe fo in colegio, con manto di scarlato, per la morte di sua neza, fia di sier Zacaria di Prioli, so zenero, di età di anni 13. Et vene in colegio sier Alvise d'Armer, venuto governador di Trani, et referì, justa il consueto. El qual ha benissimo guadagnato di cavalli compradi, et li mandò di qui, et li ha venduti ben; et ne sono ancora tutti capi di lanza, e in tutta bontà, trati di quelli paesi.
     
      Vene uno orator dil ducha di Ferara, venuto ad stantiar qui, in loco di domino Sigismondo Salibeni, dotor et cavalier, partì; el qual, nome domino [661] Francesco Lombardim, dotor.