Et presentò le letere in colegio di credenza dil ducha e la duchessa; poi disse alcune parole. Et il principe li rispose, laudando le opperation di l'altro orator; et che 'l fusse il ben venuto. Fo acompagnato da sier Cabriel Moro, cavalier, sier Piero Pasqualigo, dotor et cavalier, et 4 altri doctori.
     
      Da poi disnar fo pregadi, perchè sier Andrea Venier, savio dil consejo, suspese la letera. Fo preso di scriver in Franza etc.
     
      Di Milam, dil secretario. Come missier Zuan Jacomo Triulzi è venuto lì; coloquij abuti insieme. Et il prescidente li à ditto, come speravano adatamento di le cosse dil ducha di Geler; et il cardinal Roan va a parlar a madama Margarita etc.
     
      Di Udene, dil luogotenente, di 2. (À) aviso, turchi, come scrisse, esser reduti per caxon di hongari, perchè el vien el vescovo di Cinque Chiesie, per nome dil re di Hongaria, con molti cavalli lì vicino, et fano certe diete; et per questo quel sanzacho vol star preparato e in hordine. El qual episcopo vien a certo castello in Xagabria.
     
      Di Pordenom, dil signor Bortolo Alviano, governador zeneral nostro, al luogotenente. Ho scrito il sumario di sopra . . . . . . . . . . . . . . . . . . . . . . . . . . . . . . . . . . . . . . . . . . .
     
      Fu posto la gratia di sier Alvise Soranzo, di sier Zuan Batista, debitor, di pagar di tanti pro' etc. Balotà do volte, non presa.
     
      Fu posto, per i savij, excepto sier Andrea Griti, dar agumento a domino Francesco di Cavalli, dotor, leze in medesima a Padoa, la ordinaria di praticha, la sera, fiorini 50 di più, el qual à 75 scolari, havia 400, habi 450 fiorini; et è venuto in questa terra a medicar.