Et in questa matina fo in colegio sier Andrea Bragadin, venuto capetanio di le galie di Fiandra, et vene con optima fama, e referė. Et zonto qui, morite uno altro suo fradello, mazor, sier Zuane; sė che a l'andar capetanio morite sier Piero, suo fradello, era electo capetanio di dite galie, al ritorno morite uno altro fradello etc.
     
      Da poi disnar fo colegio, di la Signoria e savij, con li provedadori dil sal, zercha quelli di Pago, per quanto dieno aver dal dito officio per salli dati.
     
      Item, si ave aviso, a Rimano esser morto sier Alvixe Miani, quondam sier Alvise, capetanio di la riviera di la Marcha. Idio li doni requie.
     
      Da poi disnar fo audientia, di la Signoria et di savij.
     
      In questo zorno fo in colegio, da poi disnar, uno bolognese, venuto di Coloqut. Referė molte cosse di quelle parte; adeo tutti rimaseno stupidi di li ritti e costumi de India. Et per colegio li fo donato ducati 25 per il suo referir.
     
      [1508 11 08]A dė 8. Fo consejo di X con zonta. Et fo electo et expedito sier Zuan Diedo, provedador a Spalato et in Dalmatia, el qual altre fiate č stato provedador zeneral in Dalmatia. Et fo electo, altri dice per Clissa, che si vol dar a la Signoria nostra, altri dice per Poliza, che č im pericolo di rebelar a la Signoria; tamen fo secreta la sua electione, et ordinato si metesse in hordine; et poi fu suspeso.
     
      [1508 11 09]A dė 9. Vene in colegio sier Marco Cabriel, venuto provedador di Veja.
     
      Da poi disnar fo consejo di X.
     
      [1508 11 10]A dė 10. Da poi disnar fo colegio di la Signoria.