Fo il principe con li oratori, Franza et Spagna et Ferara; et li corozosi: domino Leonardo Contarini, suo fradello, a presso il principe, poi suo nepote, sier Sabastian Contarini, et soi cugnadi, sier Piero Moro et sier Marin Corner, et molti altri. Fo fato la oration per sier Zuan Marin, di sier Hironimo, qual etiam la fece in funere dil patriarcha Surian.
     
      [1508 11 21]A dì 21. Il patriarcha nuovo fo in colegio, con li soi parenti, et ringratiò la Signoria dil grado datoli, prometendo etc. Il principe il laudò.
     
      Da poi disnar fo consejo di X, over colegio di le aque.
     
      [1508 11 22]A dì 22. Fo consejo di X.
     
      [1508 11 23]A dì 23. Fo colegio di le aque, per proveder, perchè sta terra si fa malsana.
     
      [1508 11 24]A dì 24. Fo pregadi. Et poi leto le letere, si reduse il colegio di le aque et li prescidenti: zoè sier Hironimo Duodo, sier Alvise Grimani, et sier ... Et chiamati quelli dil colegio, zoè sier Lunardo Grimani, sier Marco Antonio Loredan, sier Alvise Malipiero, quondam sier Stefano, procurator, sier Polo Antonio Miani, sier Hironimo Querini, sier Marco Zorzi, et altri, fin al numero di XV.
     
      [671] Di Traù, di sier Alexandro Viaro, conte. Di certi danni volleva far turchi, et stratioti a l'incontro etc., ut in litteris. Non da conto.
     
      Di Trieste, di sier Francesco Capelo, el cavalier, provedador. Certo aviso di le cosse superior, di Elemagna e di Lubiana.
     
      Dil capetanio di le galie di Fiandra, sier Agustin da Mulla, date im porto de ..., a dì ... octubrio. Come Piero Navaro, capetanio dil re, era lì vicino con grossa armada contra mori in certo porto; et havia inteso, aspetava ditte nostre galie per averle, per la ripresaja, licet sia perlongata; unde esso capetanio scrisse a la corte, per aver dal re salvoconduto e letere al dito capetanio.