Ma prima fu posto, per tutto il colegio, poter meter di dar provision a li ditti; e fu presa.
     
      Fu posto, per i savij dil consejo et sier Alvise Mocenigo, el cavalier, savio a terra ferma, dar a domino Lucio Malvezo tansa di 60 cavali et 15 balestrieri a cavallo, fin si li acressi la conduta. Contradise sier Marin Zorzi, dotor, savio a terra ferma; rispose sier Antonio Loredam, el cavalier, savio dil consejo. Et poi etiam parlò sier Zorzi Emo, savio dil consejo, in favor di la parte; li rispose sier Alvise Pixani, savio a terra ferma. E il Zorzi e Pixani messe indusiar fin si reforma le zente d'arme. Andò queste do parte; et fu presa l'indusia di largo: li savij ave 32. Fo comandà grandissima credenza.
     
      [1508 11 25]A dì 25. Da poi disnar fo colegio di le aque.
     
      Noto. In colegio di le aque eleti 3 dil colegio, vadino a veder certe lagune: sier Michiel Salamon, sier Alvixe Grimani, sier Alvixe Malipiero, quondam sier Stefano, procurator.
     
      [1508 11 26]A dì 26, domenega. Gran consejo.
     
      [1508 11 27]A dì 27. A nona morite la mia carissima consorte Cicilia, stata zorni 49 amalata. Idio li doni requie et riposso.
     
      [673] Da poi disnar fo pregadi per padoani; et fo pocho numero, pur si reduse. Parlò domino ... Trapolim, per la comunità, fin horre 2 di note. Non li fo risposo; a un altro consejo.
     
      [1508 11 28]A dì 28. Fo consejo di X con zonta. Et nota, in questi zorni vene sier Zuan Corner, venuto capetanio di Bergamo, et referì.
     
      [1508 11 29]A dì 29. Fo etiam consejo di X con zonta. Et feno certa provisione zercha danari, zoè monede e ori, come dirò di soto; la qual in Rialto fo publicà a dì 2 dezembrio.