E im presentia dil prescidente hebbe a dir parole molte injuriose contra uno senator, che andò a Piasenza per tal retentione; unde el ditto prescidente, in senatu, primum deliberò, che 'l ditto signor si presentasse in castello; da poi par che li habbi imposto non si parta e daga piezaria de ducati 10 milia, volendo di ziò scriver in Franza. Tamen, essendo ditti Palavicini favoriti da questo regio governador e dil gran maistro, con el qual se atrova al presente in Franza el signor Antonio Maria Palavesin, se judicha non sequirà altro.
     
     
      Sumario di la terza. El reverendissimo legato era im Perona, e madona Margarita in Cambrai, 7 lige distante; se doveano convenir insieme a dì 19 novembrio. El reverendissimo Santa † havea tolto licentia di la cesarea majestà in Malmes, dove è al presente soa majestà, lontan di Cambrai cinque zornate. Et è partito con pocha gratia dil re; e le male sue operatione erano sì note al roy, che in questo convento primo et ante omnia ha voluto che 'l non intravegni ullo modo Santa †, el qual per la via di [675] Bergogna e Savoja se ne ritorna a Roma. Per letere di Zenoa, di 21, Camallì sopra Tenedo ha preso una galeaza da Saona, partita de Syo per Constantinopoli, e havea tagliato a pezi tutti, et fato un butim di gran valuta.
     
     
      1508 a dì 29 novembrio, in consejo di X con la zonta.
     
     
      Dechiarationedi quello si ha a spender i ducati forestieri.
     
      Una corona. Da una banda l'arma dil re,
      con una corona di sopra, con uno solin zima; da l'altra banda una †. Si
      spende lire 6, val lire 5 s. 14