Fu presa: 20 di no.
     
      Fu posto, per i savij, che tutti quelli, sono debitori a le cazude, possino pagar il suo debito, da mo' a mezo zener, senza pena uno quarto, et siano depenati di palazo per uno anno, et poi pagi l'altro quarto, e sia per un altro anno; sì che in quatro anni habino satisfato il debito. Fu presa: 27 di no.
     
      Fu posto certa parte, per i savij, di alcuni soldati, ut in ea.
     
      Fu posto, per i savij ai ordeni, una parte, dar (a) Alexandro, fiol di Martin da Sdrigna, che sia capo di cavaleroti a la Zefalonia. Fu presa.
     
      [683] Fu posto, per alcuni savij, dar la conduta di philosophia a Padoa a domino Marco Antonio da la Torre, che leze extraordinarie, ut in parte; et fu messa zà alcuni zorni e non fu presa. Or sier Piero Balbi, consier, volse contradir, et li savij non volseno mandar la parte,
     
      Fu posto, per i savij, certa parte di stratioti, ut in ea; presa. E altre partesele, non da conto.
     
      Fu posto, per i savij, varie opinion zercha l'isola di Andre, qual, per sententia di sier Hironimo Contarini, olim provedador di l'armada, fo privato il signor Francesco Summarippa, et tolta per la Signoria nostra, perhò alcuni savij voleva elezer per pregadi, per eletion di la bancha et 4 man di eletione, uno provedador e castelan in Andre, con salario ducati ... a l'anno netti, per do anni; et perchè il fiol dil dito signor Francesco non è in alcun dollo, che 'l ditto stagi lì, et habi il dominio in zivil, l'apelation al provedador predito, et el criminal sia dil prefato provedador. Altri savij volleva, et li savij ai ordeni, elezer XV dil consejo di pregadi a presso il colegio, li qual habino aldir, si la sententia predita sta ben o mal etc., ut in parte.