Et pregadi stete suso fino hore 4 di note. Et nota, sier Domenego Morexini, procurator, di anni 85, et altri vechij, steteno im pregadi fino quella horra.
     
      [1509 01 24]A d́ 24. La matina il reverendissimo domino Antonio Contarini, prior a San Salvador, havendo auto le bolle dil patriarchado, vestito da frate, col manto negro sotto, vene a la Signoria, ne la sua piata, acompagnato da molti frati dil suo hordine et da patricij, tra i qual domino Alovisio Diedo, abate, sier Nicoḷ Michiel, dotor, cavalier, procurator, sier Tomà Mocenigo, procurator, sier Antonio Loredan, cavalier, sier Polo Pixani, cavalier, et altri soi parenti et patricij, con molti piovani, et canonici di Castello avanti. Et non volse niun de' soi parenti si vestisseno di color, solum di negro. Sier Piero Contarini, suo fradello, era ĺ a presso di lui indrieto. Et senṭ a presso il principe; disse poche parole, et posto hordine per la domenega, a d́ ..., la matina andar il serenissimo a farlo sentar a Castello, poi il d́ di Nostra Dona li si sacreria.
     
      [722] El colegio in questo tempo era occupato in expedir zente d'arme, in capi di stratioti, in meter in hordine li arsilij per mandar a tuor li stratioti etc., e far provisiom di trovar danari.
     
      Da poi disnar fo pregadi. Et leto solum una letera di Riva, di sier Zuan Antonio di Renier, provedador. Come, per persone venute di Bolzan e Yspruch, qual lui ha mandato a explorar, dicono la dieta si fa ancora a Bolzan; et che quelli hanno risposo a li agenti dil re non voler dar danari per far guerra, et che sono disfati per la guerra passata; et il re faria meglio a despignar soa moglie, qual è im pegno in certa terra per ducati 16 milia.