Sier Batista Valier, el provedador di comun, quondam sier Hironimo.
      Sier Alvise Foscarini, el 40, quondam sier Bernardo.
      Sier Marco Donado, el 40, quondam sier Matio.
      Sier Jacomo Corner, el 40, quondam sier Marco.
      Sier Zuan Alvise Soranzo, el 40, quondam sier Beneto.
      Sier Hironimo Bernardo, quondam sier Alvise, è di pregadi.
      Sier Antonio Capelo, el provedador di comun, quondam sier Lunardo.
      Sier Silvan Capelo, che fo provedador di comun, quondam sier Lunardo.
      Dil mexe di fevrer 1508.
     
     
     
      [1509 02 01]A dì primo. Introe a la bancha tre consieri di qua da Canal: sier Bortolo Minio, sier Nicolò Dandolo et sier Cristophal Moro; et tre capi di 40: sier Bernardim Dandolo, quondam sier Francesco, sier Piero Gradenigo, quondam sier Anzolo, et sier Marco Antonio Navajer, di sier Michiel.
     
      Da Riva et Roverè fonno letere. Chome haveano, che la dieta di Bolzam era compita, et promesso certi danari al re di romani; ma non voleno [736] più guerra, ut in litteris. Conclusive, di Alemagna non si sente preparatiom alcuna.
     
      Item se intese, domino Zuam Laschari, orator di Franza, el qual si partì dicendo andava a Milan, par che, smontato al Frassine, sia andato a la volta di Mantoa; e cussì fo con effecto. Et dicitur, il re à dato al marchexe predito, che haveva con lui prima 100 lanze, horra li à cresuto ... Tamen per la terra fo divulgato, che 'l prefato Laschari era stà, per il consejo di X, fato retenir a Padoa, fino si sapesse qualcossa di l'orator nostro, sier Antonio Condolmer, dil qual 0 si sapeva. Tamen non fu vero; ma ben fu vero che per avanti, per il consejo di X, li fo scripto che 'l bruzasse tutte letere e registri, acciò non capitasse in man de' francesi; adeo è chiaro, siamo in aperta guera con il re di Franza.