Et voremo piantare el paviglione nostro ultra Adda, et che sia el vostro sempre acosto el nostro, perchè voremo esser el capetanio, et voi nostro locotenente; sì che farè stare in hordine le vostre gente, perchè deliberamo tagliar la coda a questi venitiani.
     
      Item, vidi una letera drizata al prefato sier Zacaria Contarini, cavalier, capetanio di Cremona, di 25 zener, data in Yspruch, scrita per uno Zuan Cassano, fisicho. Come la dieta di Ti-rol è compita, e risolta dar a la cesarea majestà 5000 fanti contra i nimici, et, non bastando questi, li darano 30 milia, insieme con certe terre di Baviera. Et si fa una dieta a Solzpurg; poi si farà una altra verso Bormantia, al fim di febraro. Et che il re di romani era in Anversa.
     
      [1509 02 04]A dì 4. La matina, a Castello, il patriarcha fo sagrato, per man di lo arziepiscopo de Spalato, Zane; et do altri episcopi lo ajutavano, videlicet il Pexaro di Baffo et Foscarini di Cità nova. Et poi fe' pranso. E da poi disnar fo gran consejo. Electo luogotenente in la Patria di Friul, sier Zuan Paulo Gradenigo, fo podestà a Brexa, quondam sier Justo, di più di 400 balote, di sier Marco Antonio Loredan, fo cao dil consejo di X, quondam sier Zorzi, che non passò.
     
      Fo publichà una parte, presa nel consejo di X, a dì 31 zener, conzosia che 'l gran consejo pasato sia stà aperto la porta di la scala di piera, per la qual andono zoso molti zenthilomeni, perhò è stà preso, che per tuto doman, tutti quelli veneno zoso, si debino vegnir a dar in nota a li capi dil consejo di X, im pena di privation di gran consejo per anni X, e oficij e beneficij sì dentro come di fuora, e dir quello fo il primo l'aperse; et pasado il termine, quelli acuserano li altri siano asolti, et lhoro bandizati, ut supra.