† Sier Hironimo Duodo, fo di la zonta, quondam sier Piero,
      † Sier Bernardo Barbarigo, fo cao dil consejo di X, quondam serenissimo.
      † Sier Nicolò Pixani, fo governador di l'intrade, quondam sier Andrea,
      † Sier Piero Capello, fo consier, quondam sier Zuan, procurator.
      Sier Tadio Contarini, fo savio a terra ferma, quondam sier Andrea, procurator.
      † Sier Piero Morexini, fo consier, quondam sier Zuane.
      Sier Vetor Michiel, è di pregadi, quondam sier Michiel.
      Sier Bernardo Bondimier, fo di pregadi, quondam sier Zuanne.
      Sier Zuan Arseni Foscarini, fo di pregadi, quondam sier Bortolo.
      † Sier Antonio Loredam, el cavalier, fo savio dil consejo, quondam sier Lorenzo.
      Non. Sier Francesco Trum, fo consier, quondam sier Piero.
      † Sier Alvixe di Prioli, fo consier, quondam sier Nicolò.
      Non. Sier Zacaria Dolfim, lo consier, quondam sier Andrea.
      † Sier Marco Zorzi, fo cao dil consejo di X, quondam sier Bertuzi.
      † Sier Andrea Corner, fo consier, quondam sier Marco.
      Non. Sier Marco Bolani, fo podestà a Padoa, quondam sier Bernardo.
      [745] † Sier Alvise Michiel, fo consier, quondam sier Piero, procurator.
     
     
      Da Cremona, di sier Zacaria Contarini, el cavalier, capetanio, di 6. Come ha 'uto una letera dil vescovo di Trento, che vol li mandi il Caroldo, era suo secretario al far di le trieve, per reformar li capitoli di la trieva, juxta l'hordine. Item, il conte Bernardin dia zonzer il dì sequente li a Milan.
     
     
      Sumario di nove di Alemagna.
     
      La dieta fata in Austria importa de dare a lo imperadore homeni 20 milia, pagati per anni 5; non si aferma questo, ma vien dito.