La dieta fata a Bolzano importa la adequatione di la spesa fata in la guerra passata fra li homeni dil conta' de Tirol; et più è fato lo extimo de 50 centenara de homeni per difensione dil paexe, et per fare quello vorà lo imperadore; quale, per lo primo bisogno, siano persone 5000, per lo segondo X milia, et per lo 3.° XX milia; et non se toglia le persone de le minere, ma fanti forestieri et qualche valente homo del paexe.
     
      Li homeni del contado de Tirolo sono disposti a la pace; ma, quando pur l'imperador voglia disponer de tale exercito, sarà bisogno far la voluntà sua.
     
      De presente li homeni de Austria et de Tirolo mandano soi ambasadori a Salzipurch, per fare fra lhoro confederatione, et da Salzpurch diti ambasadori deno andare a la dieta imperiale a Vormazia.
     
      Non se sa quello reporterà l'imperador da la dieta imperiale de Vormazia, perhò che li principi et signori sono sdegnati con la sua majestà, per li desordeni fati per la ordinatione da epsi principi; et per haver la sua majestà ad dare l'insegna imperiale a li episcopi de Maguntia et Treveri, al conte palatim, al fiolo del duca Alberto de Baviera et alcuni altri, poteria per questo mezo cavare da l'imperio qualche cosa al disiderio suo.
     
      Per lo apontamento et pace con Franza, lo Paese Baso de Fiandra ha donato a l'imperador fiorini 300 milia de quella moneda, che val da cercha lire 3, soldi 6, l'uno; et asoldano 8000 sguizari per anni 5 a la depositione de l'imperador.
     
      Lo estimo del contato de Tirolo, de li 50 centenara de persone, è diviso, 24 centenara a li contadini, 18 centenara a li ecclesiastici et nobeli, 3 centenera a Copstan et le altre tere del ducha Zorzi, lo resto a le vale, che sono verso Brunich.