Sier Jacomo Manolesso, fo provedador a Butistagno, quondam sier Orsato.
      Sier Zuan Francesco Pixani, fo podestà a Roverè, quondam sier Lunardo.
      Sier Alvise di Prioli, fo capetanio di le galie di Fiandra, quondam sier Zuane.
      Sier Nicolò Zustignam, quondam sier Ferigo.
      Sier Piero Malipiero, fo capetanio e provedador a Lignago, quondam sier Michiel.
      Sier Andrea da Mosto, fo cao di 40, quondam sier Piero.
      Sier Lorenzo Miani, è provedador sopra la chamera d'imprestidi, quondam sier Jacomo.
      Sier Alvise Barbaro, fo provedador sopra la chamera d'imprestidi, quondam sier Zacharia, procurator, cavalier.
      Sier Vicenzo Polani, fo provedador sopra le camere, quondam sier Jacomo.
      Sier Pollo Contarini, fo provedador sopra i officij, quondam sier Bortolo.
      Non. Sier Zustignan Morexini, fo provedador a Gorizia, quondam sier Marco.
      Non. Sier Francesco Viaro, el grando, quondam sier Luca.
      Non. Sier Zacaria di Prioli, fo di pregadi, quondam sier Marco.
     
      [1509 02 28]A dì 28. Se intese esser zonta una nave nostra sora il Sasno, andava in Alexandria, con ogij etc., di bote ... Fo dito esser di certi bergamaschi, altri disse era di Zustignani e sier Barbon Morexini; tamen fo vero.
     
      Item, si ave per più vie avisi, et maxime da Trane, che im Puja era stà serate le trate in Sicilia di formenti. La qual nova fo cativissima; e in fontego tutavia la farina cresseva a lire 6 e più il ster.
     
      Item, in questa note morite sier Nicolò Dandolo, consier, qual a dì 26 da matina fo in colegio. Si à sofegato di una streta di peto havia; era corpulente e di età.