Omnes Consules Longobardiae istarum Civitatum, et Marchiae, Venetiarum, et Ferrariae in concordia remiserunt sacramenta Scholarium et Mercenariorum, seu suorum, seu habitantium, nisi fuerint Milites. Ego juro,
      quod faciam me caput et guidam ad defendendum Civitatum Venetiarum, Veronam et Castrum, et suburbia, Vincentiam, Paduam, Trivisium, Ferrariam, Brixiam, Bergamum, Cremonam, Mediolanum, Laudum, Placentiam, Parmam, Mutinam, Bononiam, et aliarum Civitatum et Locorum, quae in concordia suprascriptarum Civitatum fecerint hoc sacramentum. Bona fide ero operator communis commodi et utilitatis supradictorum locorum, et ad retinendas rationes illorum, qui fecerint hoc sacramentum sub praecepto Rectorum illius Civitatis, ubi moratur reus, vel sub praecepto Judicis, quem ipsi elegerint. Et si aliquod commodum mihi evenerit causa alicujus Civitatis nobis adjungendae, seu alicujus gentis vel hominis, servabo illud ad communem utilitatem omnium soprascriptorum Locorom. Et hoc attendam, donec ero in hoc meo praesenti regimine.
      Millesimo Centesimo Sexagesimo Septimo, Primo die Mensis Decembris, Indictione XV.
      DOCUMENTO DGIURAMENTO DEI CONSOLI DI ALCUNE CITTĄ NEL PARLAMENTO DI MODENA
      (Item ibi. p. 272)
      In Dei nomine. Anno ejusdem MCLXXIII. Indictione VI. die Mercurii, VI. Idus Octobris. Ego juro ad Sancta Dei Evangelia, quod bona fide sine fraude operam dabo ad observandas Societates et concordias factas inter homines Lombardiae, et Marchiae, et Veneciae, si hoc sacramentum fecerint, et Romaniae, et recepti fuerint communi consilio omnium Rectorum Civitatum, vel majoris partis.