Item, el ducha ha posto taja a 50 cittadini, ducati 50 milia, et à tolto la mità de l'intrade ai preti. Item, esser venuto di qua da' monti lanze 1700, si aspeta el roy, et il ducha di Lorena. Ascanio verà a Milan, et il re di romani à dato una rota a' sguizari. Item, il marchexe di Mantoa tocha danari, et è in acordo col prefato ducha di Milan.
     
      Da Udene, dil luogotenente. Più lettere. Come havia fato far la description di le persone a piè, di la Patria, sono numero 16 milia. Et esser zonto lì Bencivenga da Salerno, et domino Guido Brandolin con lhoro condute, et stratioti cavalli 450.
     
      Da Gradisca, di sier Andrea Zanchani provedador zeneral. Più lettere. Come feva fortifichar quel luogo. Item, manda una deposition di uno Rigo todesco stato a Goricia, disse: li ha dito misier Virgilio, ch'è il suo conte, era di bon animo verso la Signoria nostra, licet el re di romani volesse romper a la Signoria, qual lui aviseria il tutto, et che vol venir a visitar esso provedador. Item, par sia stato in Craina, disse turchi esser preparati a la luna nova scorsizerà.
     
      Da Ragusi, dil Gondola, di 25. In conclusion zanze assai, et il Turcho vien a' nostri danni; la qual non fo leta per non esser nulla di novo.
     
      Da Zara, di rectori. Turchi in Bossina haver diviso la preda, et li sindici, sono lì, dimandano monition, etc. Et sier Jacomo da Molin dotor, capitano, scrisse solo dil zonzer di la galia soracomito sier Zuam Malipiero, et lo ajutava in tutto per interzarlo.
     
      [922] Da Traù, di sier Lorenzo Corer conte.