Pagina (113/1013)

pagina

       

      Et se fra el termene del dito anno non satisfaremo el ditto debito, el decreto resterà ne la sua forza, non obstante che 'l debitor volesse denegar el debito o proponer pagamento, el serà fato satisfar come s'el fusse comparso et havesse fato noticia de la judication del dito decreto: intendando, che li debitori, quali per virtù de questo articulo ritornerano a le lhor heredità vendute per decreto, resterano a charigo de' lor renditi de coloro fati avanti la dita judication, ancora che 'l se trova che la dita judication sia fate per fraude, per debiti puri, le persone de le qual i diti debitori fusseno obligati quietation, over parte et obedientia dove sono le habitatione sue. In questo caso, li diti debitori over heredità potrano, infra annum, retornar pleno jure a loro heredità ita vendute per fraude e costumanza; et similiter in tute altre mainere ecclesiastice etc. donate contra li absenti per le dite guere, se porano purgar et rebater infra annum, et intendesse el retorno de ditti beni, non sollamente de quelli dei subditi de una parte et de l'altra sono stà trati de possesso per mezo de le dite guerre, ma de quelli che sono successi ab intestato, a testamento, dove l'avesse habuta altro titulo, presuposito che al zorno el dito discaricho quelli ritornerano dimoraseno in l'una de le parte, et quelli ai qualli apartien sucieder fusseno morti in l'altra parte; et se rehaverano i diti heredi et successori nel termene e sufferentia de mexi tre dapoi el zorno de la publication de questa pace, per relevar i lhor feudi et heredità a lhoro pervenuti et a le signorie a le qualle i sono obligati.