Non li fu risposto: have 9 di no, il resto de sì.
     
      Item, fu posto, per li ditti savii, suspender li pagamenti di le camere di fuora di provisionati, [855] exceptando li rezimenti et chi serve attualmente, et questo per mexi tre. Et sier Filippo Trum procurator et sier Marchio Trivixan savii dil consejo volseno la parte, con questo fusse sospeso etiam li pagamenti in questa terra. Et sier Hironimo Capello q. sier Alban, et tutti li altri savii introno in opinion per esser stato per le camere provedador, contradixe, tamen non li fo risposto, et have tutto il consejo.
     
      Item, fu posto, per li ditti savii, di elezer di presente uno provedador in la patria di Friul, con pena, vadi con 3 cavalli, et uno secretario, et ducati 100 al mexe habi per spexe, et debi partir fra tre zorni. Et sier Polo Barbo el consejer messe che 'l ditto provedador, da esser electo, fusse provedador zeneral. Et andate le parte, quella dil Barbo ave più di 130 balote, et l'altra manco di 50, et fu preso che sia provedador zeneral di la patria, et fu fato el scrutinio con buletini, et rimase sier Andrea Zanchani, fu avogador di comun. El scrutinio sarà qui soto posto.
     
      Item, fu posto, per li savii dil consejo, terra ferma et ordeni, di dir a la nave di Malipieri et compagni, fo Mema, qual si armava, che possino scontar ducati 600 al mexe dil suo credito con li debitori a le cazude; che prima fu preso scontasse solum ducati 200; et a la nave di Bernardi patron Martin da Cherso li sia dato ducati 550 al mexe con 100 homeni con le condition ut supra, et ferma di mexi tre; et ave tutto il collegio.